Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौं । सिन्धुलीमा एक महिलाको टाउको बिनाको शव फेला परेको छ । सुनकोशी गाउँपालिका २ टुपीडाँडास्थित सुनकोशी नदी किनारमा एक महिलाको टाउको बिनाको शव फेला परेको जिल्ला प्रहरी कार्यालय सिन्धुलीका उपरीक्षक एसपी राजकुमार सिलबालले जानकारी दिए ।
अनुमानित ३५/४० वर्षीया महिलाको शव नदीले काभ्रेतिरबाट बगाएर ल्याएको हुनसक्ने आशंका प्रहरीले गरेको छ। ‘शवमा टाउको छैन। जिउको भाग भने छ । शरीरमा कपडाहरु पनि छन्,’ एसपी सिलवालले नेपालखबरसँग भने, ‘शवको सनाखत हुन सकेको छैन ।’
पोष्टमार्टमपछि उक्त शव सिन्धुली जिल्ला अस्पतालको शवगृहमा राखिएको छ ।
‘हामीले सनाखतको लागि शवको हुलियासहित फोटो खिचेर प्रहरी युनिटहरुलाई जानकारी गराएका छौँ,’ एसपी सिलवालले भने ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
