Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौँ । कुमारी बैंकले करिब २ लाख ४० हजार बढी कित्ता सेयर बिक्रीमा राखेको छ । संस्थापक समूहको २ लाख ४० हजार १०१ कित्ता सेयर बैंकले बिक्रीमा राखेको हो ।
जसमा वसन्तकुमार चौधरीको २ लाख २३ हजार २७१ कित्ता र राजुबहादुर श्रेष्ठको १६ हजार ८३० कित्ता सेयर रहेको छ । हाललाई विद्यमान सेयरधनीहरुले मात्रै बिक्रीमा राखिएको सेयरमा खरिद आवेदन दिन सक्नेछन् । यसका लागि ३५ दिनको म्याद राखिएको छ ।
काठमाण्डौको नक्सालस्थित कुमारी क्यापिटल र काठमाण्डौको टंगालस्थित कुमारी बैंकको प्रधान कार्यालयमा इच्छुक संस्थापक सेयरधनीहरुले खरिद आवेदन दिन सक्नेछन् । बैंकका अनुसार तोकिएको अवधिभित्र संस्थापक सेयरधनीहरुबाट खरिद आवेदन नपरेको खण्डमा अन्य व्यक्ति तथा संस्थालाई उक्त सेयर बिक्री खुला गरिनेछ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
