Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौँ । नेपाली सेनाद्वारा नौ दिने विपद् प्रतिकार्य प्रशिक्षण हिजो (बुधबार)बाट शुरू भएको छ । विपद् प्रतिकार्यसम्बन्धी सेनाको विष्णुदल गणले नौ दिने प्रशिक्षण शुरू गरेको हो ।
प्राकृतिक र भईपरी आउने विपदबाट सचेत हुन उक्त प्रशिक्षण शुरू गरिएको सेनाले जनाएको छ । हिजोबाट तोकिएका निश्चित व्यक्तिहरूलाई सेनाले तालिम प्रदान गर्दै आएको छ ।
उतरगया गाउँपालिकाले आयोजना गरेको विपद् व्यवस्थापन समिति र स्थानीय विपद् व्यवस्थापन समितिको सहयोग तथा प्रतिबद्ध, पिपुल, निड, सिएसआरसी, कधल र सेभ द चिल्ड्रेनको सहकार्यमा प्रशिक्षण शुरू गरिएको हो ।
प्राकृतिक विपत्ति भूकम्प, बाढि, पहिरो, हिमाल विस्फोट, आगलागी, हावाहुरी चट्याङ्ग तथा भईपरी आउने विपदबाट जोगिन र उद्धारका लागि उक्त प्रशिक्षणको आयोजना गरिएको छ । गाउँपालिकाका ६ वटै वडामा वडाध्यक्षसहित अन्य ३० जना व्यक्तिहरूको समूह बनाइ सेनाले प्रशिक्षण दिइरहेको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
