Apr 29 2025 | २०८२, वैशाख १६ गते
Apr 29 2025 | २०८२, वैशाख १६ गते
काठमाडौं । टीकापुर काण्डमा दोषी ठहर हुँदै जेलजीवन बिताइरहेका रेशम चौधरीलाई सरकारले आममाफी दिने प्रक्रिया अगाडि बढाएको छ । गणतन्त्र दिवसको अवसर पारेर राष्ट्रपतिबाट उनलाई माफी दिने तयारी भएको हो । सरकारले चौधरीलाई माफी दिन राष्ट्रपति रामचन्द्र पौडेलसमक्ष सिफारिस गरेको छ ।
सर्वोच्च अदालतले यही २ जेठमा चौधरीलाई जन्मकैद गर्ने जिल्ला अदालतको आदेश सदर गरेको थियो । चौधरी १५ फागुन, २०७४ देखि थुनामा छन् । उनलाई सजाय माफी दिने विषयमा प्रधानमन्त्री पुष्पकमल दाहाल प्रचण्डले राष्ट्रपति रामचन्द्र पौडेलसँग छलफल गरेका छन् ।
मन्त्रिपरिषद्को सिफारिसमा राष्ट्रपतिले सजाय घटाउन सक्ने, सजाय माफी मिनाह गर्ने सक्ने कानुनी व्यवस्था छ । यसरी सजाय मिनाहको निर्णय गणतन्त्र दिवस र संविधान दिवसका अवसरमा गरिँदै आएको छ । यही जेठ १५ गते गणतन्त्र दिवसको अवसरमा चौधरीको सजाय राष्ट्रपतिबाट माफी गराउने तयारीमा सरकार लागेको हो ।
कैलालीको टीकापुरमा २०७२ भदौमा ७ जना सुरक्षाकर्मी र एक नाबालकको मृत्यु हुने गरी भएको हिंसामा चौधरी दोषी रहेको ठहर अदालतले गरेको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
