Apr 28 2025 | २०८२, वैशाख १५ गते
Apr 28 2025 | २०८२, वैशाख १५ गते
ललितपुर । ललितपुरको चापागाउँमा मूर्ति चोरलाई कारबाहीको माग राख्दै स्थानीयले सडक बन्द गरेका छन् । उनीहरुले बिहान ८ बजेदेखि सडक बन्द गराएपछि आवागमन अवरुद्ध भएको छ ।
चोरमाथि कारवाही गर्न प्रहरी प्रशासनलाई दबाब दिने उद्देश्यले उनीहरुले आन्दोलन गरेको बताएका छन् । स्थानीयले चापागाउँस्थित चिवाह चैत्य अगाडिको सडकमा विरोध प्रदर्शन गरेका हुन् । सांस्कृतिक सम्पदा र मूर्तिहरु चोरी हुँदा पनि प्रहरी मौन रहेको आन्दोलनकारीहरुले आरोप लगाएका छन ।
स्थानीय किशोर देसारको नेतृत्वमा उक्त प्रदर्शन भएको हो । लगभग तीन दर्जन प्रदर्शनकारीहरुले ऐतिहासिक मठ, मन्दिर र मूर्तिको रक्षा गर्नुपर्ने माग गरेका छन् । उनीहरुले ‘हाम्रो कला संस्कृति प्यारो छ’ भन्ने नारा पनि लगाएका छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
