
Apr 05 2025 | २०८१, चैत २३ गते
काठमाडौँ । राष्ट्रपति रामचन्द्र पौडेलका राजनीतिक सल्लाहकारमा कांग्रेस नेता सुनिल थापा नियुक्त भएका छन् । राजनीतिक सल्लाहकारमा पूर्व मन्त्री थापा नियुक्त भएको राष्ट्रपतिका परराष्ट्र सल्लाहकार डा.सुरेश चालिसेले बताए ।
अहिले कांग्रेसका पूर्व सहमहामन्त्री थापा पार्टीको केन्द्रीय कार्यसम्पादन समिति सदस्य छन् । बिहीबार मात्र आर्थिक सल्लाहकारमा राष्ट्रपति पौडेलले चिरञ्जीवी नेपाल र कानुनी सल्लाहकारमा बाबुराम कुँवरलाई नियुक्त गरेका थिए । त्यस्तै नेपाल पूर्व गभर्नर हुन भने कुँवर गण्डकी प्रदेशका पूर्व प्रमुख हुन् ।
यसअघि राष्ट्रपतिको परराष्ट्र सल्लाहकारमा चालिसे र सचिवमा चिरञ्जीवी अधिकारी नियुक्त भएका थिए भने नेपाल प्रेस युनियनका पूर्वसचिव खिला कार्की स्वकीय सचिवालयमा नियुक्त भएका थिए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij