काठमाडौं । प्रधानमन्त्री पुष्पकमल दाहाल 'प्रचण्ड' ले सभामुख देवराज घिमिरेलाई बालुवाटारमा बोलाएका छन् । प्रधानमन्त्रीको सरकारी निवास बालुवाटारमा सभामुख घिमिरे प्रचण्डलाई भेट्न पुगेका छन् ।
आज संसद्मा प्रधानमन्त्रीले अख्तियार दुरुपयोग अनुसन्धान आयोगको प्रतिवेदन पेश गर्दै छन् । प्रतिवेदन पेश गर्नुअघि प्रधानमन्त्रीले सभामुखसँग छलफल गर्न बालुवाटार बोलाएका हुन् ।
संसद्मा पेश भएका विधेयकहरूको विषयमा पनि दुवैबीच छलफल भएको जनाइएको छ । प्रधानमन्त्री प्रचण्डले आजको प्रतिनिधि सभा बैठकमा अख्तियारको आर्थिक वर्ष २०७८/७९ को वार्षिक प्रतिवेदन पेश गर्ने तयारीमा छन् ।