फुटबलमा इन्टर मिलानको फराकिलो जित

काठमाडौँ । इटालियन सिरी ए फुटबलमा इन्टर मिलानले फराकिलो जित निकालेको छ । आइतबार राति घरेलु मैदानमा भएको खेलमा लाउटरो मार्टिनेजले ह्याट्रिक गरेपछि इन्टरले क्रोटोनलाई ६–२ गोल अन्तरले पराजित गरेको हो । सुरुवाती अग्रता भने क्रोटोनले बनाएको थियो ।

खेलको १२ औं मिनेटमा निकोलो जानेलाटोले गोल गर्दै क्रोटोनलाई अग्रता दिलाएका थिए । तर, २० औं मिनेटमा मार्टिनेजले गोल गर्दै इन्टरलाई १–१ गोलको बराबरीमा फर्काए । खेलको ३१ औं मिनेटमा लुका मोर्रोनेले आत्मघाती गोल गरेपछि इन्टरले २–१ को अग्रता बनायो ।

लगत्तै ३६ औं मिनेटमा क्रोटोनका भाल्दमिर गोलेमिकले पेनाल्टीमा गोल गर्दा खेल २–२ को बराबरीमा पुग्यो । दोस्रो हाफमा भने इन्टरले लगातार गोल गर्यो । ५७ औं मिनेटमा मार्टिनेजले, ६४ औं मिनेटमा रोमेलु लुकाकुले गोल गरे । ७८ औं मिनेटमा मार्टिनेजले ह्याट्रिक पुरा गर्दा इन्टर ५–२ ले अघि रह्यो । त्यसपछि खेलको ८७ औं मिनेटमा अच्राफ हाकिमीले गोल गर्दै इन्टरलाई ६–२ को जित दिलाए । जितसँगै इन्टर १५ खेलमा ३६ अंक जोड्दै तालिकाको शीर्ष स्थानमा समेत उक्लिएको छ भने क्रोटोन ९ अंकसहित तालिकाको पुछारमा छ । एजेन्सी

फुटबलमा इन्टर मिलानको फराकिलो जित

फुटबलमा इन्टर मिलानको फराकिलो जित

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय