
Apr 06 2025 | २०८१, चैत २४ गते
काठमाडौं । गृह मन्त्रालयले हिजो काठमाडौँको नयाँ बसपार्क क्षेत्रमा भएको प्रदर्शनको क्रममा लोत्से मलमा रहेको मोबाइल पसल तोडफोड गरी मोबाइल लगायतका सामग्री लुट्नेहरूलाई पक्राउ गरी कारबाही गर्न प्रहरीलाई निर्देशन दिएको छ ।
गृह मन्त्रालयका प्रवक्ता जितेन्द्र बस्नेतका अनुसार सचिव विनोद प्रकाश सिंहले हिजो भएको घटनामा संलग्न व्यक्तिहरूलाई कारबाही गर्न काठमाडौँ उपत्यका प्रहरी कार्यालयका प्रमुख एआइजी दिवेश लोहनीलाई निर्देशन दिएका हुन् ।
हिजो नयाँ बसपार्कको बुधमहल अगाडि यातायात व्यवसायी र मजदुरहरूले गरेको प्रदर्शन भड्किएपछि लोत्से मलको मोबाइल पसलमा लुटपाट चलेको थियो । प्रदर्शनकारीहरूले पसल तोडफोड गरेर मोबाइल लगायतका सामग्री लुटेका थिए भने लोत्से र कान्तिपुर महलका सिसाहरू पनि तोडफोड गरेका थिए ।
त्यस्तै प्रदर्शनका क्रममा प्रदर्शनकारीले प्रहरीको डीएसपी चढ्ने भ्यान, प्रहरी भ्यान जलाएका थिए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij