Apr 07 2025 | २०८१, चैत २५ गते
Apr 07 2025 | २०८१, चैत २५ गते
काठमाडौं । राष्ट्रिय स्वतन्त्र पार्टी सरकारबाट बाहिरिने भएको छ । प्रधानमन्त्री पुष्पकमल दाहाल सत्ता गठबन्धनमा भएको सहमतिबमोजिम अघि नबढेको भन्दै रास्वपाले अब सरकारमा नरहने निर्णय लिन लागेको हो । यसअघि पार्टी सभापति रवि लामिछाने उपप्रधान एवम् गृहमन्त्री बनेर प्रचण्ड नेतृत्वको सरकारमा सहभागी भएका थिए ।
नागरिकतासम्बन्धी सर्वोच्च अदालतको फैसलापछि भने उनी सांसद र मन्त्रीबाट पदमुक्त भएका थिए । उनले सर्वोच्चको फैसलाबमोजिम नागरिता पूनः प्राप्ति गरेर गृहमन्त्रायमा नै फर्कने चाहना राखेका थिए । तर, प्रधानमन्त्री दाहालले भने अहिले सो मन्त्रालय आँफै राख्ने निश्कर्ष सुनाएका थिए ।
आफ्नो अडानबाट दाहाल पछि नहटेकाले लामिछाने अब सरकारबाट बाहिरिने मुडमा पुगेका छन् । उनले आजै त्यसको संकेत गरेका छन् । अहिले दिउँसो ३ बजे रास्वपाको केन्द्रीय समिति र संसदीय दलको संयुक्त बैठक बस्दैछ ।
सो बैठकले सरकारबाट बाहिरिने निर्णय लिन लागेको पार्टीनिकट स्रोतको दाबी छ । रास्वपा सरकारबाट बाहिरिएलगत्तै सत्ता गठबन्धनमा संकट उत्पन्न हुने चर्चा छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
