Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौं । प्रभु बैंकको प्रमुख कार्यकारी अधिकृतमा अशोक शेरचन चार वर्षका लागि पुन:नियुक्त भएका छन् । शेरचन तेस्रो कार्याकालका लागि बैंकको प्रमुख कार्यकारी नियुक्त भएका हुन् ।
बैंकको सञ्चालक समितिले माघ १२ गतेदेखि लागू हुने गरी उनलाई पुनस् प्रमुख कार्यकारी अधिकृत नियुक्त गरेको हो । यसअघि उनी २०७५ माघ १८ गते बैंकको सिइओ नियु्क्त भएका थिए ।
प्रभु बैंकले सेञ्चुरी कमर्शियल बैंकलाई प्राप्ति गरेपछि अशोक तेस्रो कार्यकालका लागि सिइओ बनेका हुन । मर्जरमा गएका बैंकले २ कार्यकालभन्दा बढी समय बैंकको सीईओ नियुक्त गर्न पाउने छुट छ । सोही बमोजिम उनी तेस्रो पटक बैंकको सीईओ बनेका हुन् ।
सन् १९९५ बाट आफ्नो बैंकिङ्ग करियर सुरु गरेका शेरचनसँग २७ वर्षको बैंकिङ्ग अनुभव रहेको छ । उनले सन २०१४ देखि प्रभु बैंकको सीईओको जिम्मेवारी सम्हाल्दै आएका छन् ।
उनको कार्यकालमा प्रभु बैंकसँग विभिन्न बैंक तथा वित्तीयको मर्जर तथा एक्विजिसन गर्न सफल भएका छन् । प्रभु बैंकसँग मर्ज भएका विभिन्न मर्जर र एक्विजिसनहरूमा सीईओ शेरचनको महत्वपूर्ण भूमिका रहेको छ । प्रभु बैंकले सेञ्चुरी बैंकलाई प्राप्ति गरी गत पुस २६ गतेबाट एकीकृत कारोबार सुरु गरेको हो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
