Jun 04 2026 | २०८३, जेठ २१ गते
Jun 04 2026 | २०८३, जेठ २१ गते
काठमाडौं । उपप्रधान तथा अर्थमन्त्री विष्णु पौडेलले भूकम्प,कोरोना र नाकाबन्दीले ढाल्न नसकेको अर्थतन्त्र अहिले दुर्घटना हुने अवस्थामा पुग्नु चिन्ताको विषय भएकोे बताएका छन् ।
आज नेपाल चेम्बर अफ कमर्शले आयोजना गरेको ‘अर्थतन्त्रः अबको बाटो’ विषयक अन्तरक्रिया कार्यक्रममा बोल्दै अर्थमन्त्री शर्माले भूकम्प, कोरोना लगायका केही नहुँदा पनि यो अवस्था आउनु चिन्ताको विषय भएको बताएका हुन् ।
सबै अवस्था सामान्य हुँदा अर्थतन्त्र समस्यामा परिरहेकोले यसको समाधान आफ्नो पहिलो प्राथमिकता रहेको मन्त्री पौडेलको भनाइ छ । उनले समस्याको पहिचान गरेर समाधानको बाटो खोज्न आफूले प्रयास गर्ने बताए ।
राजस्व संकलन चिन्ताजनक अवस्थामा रहेको बताउँदै मन्त्री शर्माले समस्या समाधानका निम्ति आफूले तयारी गरिरहेको उल्लेख गरे । पुँजीगत खर्च नबढेको, निर्माण सामग्रीको अभाव लगायतका समस्या रहेको भन्दै उनले यसको समाधान गरिने बताए । अनुत्पादक क्षेत्रको खर्च, साधारण खर्च घटाउने र आर्थिक अनुशासन कायम गर्नेतर्फ आफू लागेको उनले बताए ।
सरकार निजी क्षेत्रको कुरा सुनेर अघि बढ्ने उनले बताए । निजी क्षेत्रलाई आरोप प्रत्यारोप गर्नुभन्दा पनि यस क्षेत्रको सबै समस्या समाधान गर्ने गरि सरकार लाग्ने दाबी गरे ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
