Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौँ । नेपाल विद्युत् प्राधिकरणले काठमाडौंका विभिन्न स्थानका अव्यवस्थित तार हटाउने भएको छ । आइतबार प्राधिकरणले एक सार्वजनिक सूचना जारी गरी त्रिपुरेश्वरदेखि बूढानिलकण्ठ चोकसम्मको अव्यवस्थित तार हटाउने जानकारी दिएको छ ।
विघुतिय पोलको प्रयोग गरी अनावश्यक अप्टिकल फाइबर र अव्यवस्थित तरिकाले झुण्ड्याइएको उपकरणहरु प्राधिकरणले हटाउने भएको छ । त्यस्ता अव्यवस्थित तारहरु गत मंसिर १८ मा हटाउने प्राधिकरणले जानकारी गराएको थियो । सेवा प्रदायक संस्थाले सूचना बमोजिमको व्यवस्थापन कार्य नभएकोले यही पुस ११ देखि आफै हटाउने भएको छ ।
प्राधिकरणले नेविप्रा ऐन, २०४१ को दफा १९ बमोजिम अव्यवस्थित तार हटाउन लागेको जनाएको छ । सो कार्यबाट हुनसक्ने नोक्सानीको लागि आफु जिम्मेवार नहुनेसमेत प्राधिकरणले स्पष्ट पारेको छ । उक्त कार्यबाट टेलिफोन, इन्टरनेट, केबल टिभी उपभोक्तालाई पर्नसक्ने असुविधाप्रति प्राधिकरणले क्षमा मागेको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
