Apr 29 2025 | २०८२, वैशाख १६ गते
Apr 29 2025 | २०८२, वैशाख १६ गते
काठमाडौँ । आजदेखि एक हप्तासम्म ७५३ वटा स्थानीय तहका सामुदायिक विद्यालय बन्द गरी कर्मचारी आन्दोलनमा उत्रिएका छन् । श्रम ऐनले तोकेअनुसार न्यूनतम पारिश्रमिक सरकारले उपलब्ध नगराएको भन्दै देशभरका सामुदायिक विद्यालयका ४० हजार कार्यालय सहयोगी र लेखापालहरू २० साउनदेखि नै आन्दोलित छन्।
उनीहरूले आजदेखि भदौ १८ गतेसम्मका लागि देशभरका सामुदायिक विद्यालय बन्द गरेको नेपाल विद्यालय कर्मचारी परिषद्ले जनाएको छ । गत आर्थिक वर्षको बजेट वक्तव्यमा विद्यालय कर्मचारीको तलब मासिक कम्तिमा १५ हजार पुर्याउने उल्लेख रहेको र त्यसका लागि केन्द्र सरकारले मासिक ८ हजार उपलब्ध गराउने तथा बाँकी रकम सम्बन्धित स्थानीय तहले व्यहोर्ने बजेटमा उल्लेख छ ।
यता, सबै स्थानीय तहहरूले बजेट अभाव रहेको भन्दै आफ्नो भागमा पर्ने रकम उपलब्ध नगराएका जनाइएको छ। देशभरका झण्डै २९ हजार सामुदायिक विद्यालयमा कार्यरत विद्यालय कर्मचारी आन्दोलित भएका छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
