
Aug 31 2025 | २०८२, भदौ १५ गते
काठमाडौं । मुगुको छायाँनाथ रारा नगरपालिका–१ स्थित श्री महाकाली नमुना माध्यमिक विद्यालयमा पहिलोपटक सिभिल इन्जिनियरिङ विषयमा अध्ययन सुरु भएको छ । आइतबार एक औपचारिक कार्यक्रमबीच वन तथा वातावरण मन्त्री ऐन बहादुर शाहीले कक्षाको उद्घाटन गरे ।
मन्त्री शाहीले सिभिल इन्जिनियरिङ शिक्षाले मुगुमा दक्ष जनशक्ति उत्पादन गरी विकास निर्माणमा टेवा पुर्याउने बताए । प्रदेशसभा सदस्य मंगल बहादुर शाही, जिल्ला समन्वय समितिका प्रमुख मञ्जन बहादुर कार्की र नगरप्रमुख विष्णुकुमार भामले प्राविधिक शिक्षाको सुरुवातले शिक्षा, रोजगारी र विकास तीनै क्षेत्रमा सकारात्मक प्रभाव पार्ने उल्लेख गरे ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij