Aug 31 2025 | २०८२, भदौ १५ गते
Aug 31 2025 | २०८२, भदौ १५ गते
काठमाडौं । महालक्ष्मी विकास बैंकलाई भारतीय चेम्बर अफ कमर्स, कोलकाताको प्रतिष्ठित अवार्डले सम्मानित गरेको छ । बैंकले ‘सम्पती गुणस्तर’ (Asset Quality) विधामा सम्मान पाएको हो ।
शुक्रबार नयाँ दिल्लीमा सम्पन्न ‘तेस्रो इर्मजिङ्ग एसिया बैंकिङ्ग कनक्लेभ एण्ड अवार्डस’ कार्यक्रममा बैंकलाई यो अवार्ड प्रदान गरिएको हो ।
 (1).gif)
बिमस्टेक क्षेत्रअन्तर्गत भारत, श्रीलंका, नेपाल, म्यानमार र बंगलादेशका बैंकहरुको सहभागिता रहेको यस कार्यक्रमलाई बैंकिङ्ग क्षेत्रको सबैभन्दा प्रतिष्ठित सम्मेलन मानिन्छ ।
महालक्ष्मी विकास बैंकले सम्पती संरचना, प्रभावकारी परिचालन तथा गुणस्तरीय सुधारमा गरेको उल्लेखनीय योगदानका आधारमा अवार्ड प्राप्त गरेको हो । यसले अन्तर्राष्ट्रिय क्षेत्रमा बैंकको पहिचानलाई थप मजबुत बनाउने बैंकको विश्वास छ ।
यसअघि बैंकले भारतको अग्रणी वित्तीय संस्था एचडीएफसी बैंकसँग सीमा–पार वित्तीय सेवा प्रवर्द्धन तथा भारतबाट नेपालमा भुक्तानी प्रणाली सञ्चालन गर्न समझदारी गरेको थियो । उक्त सहकार्यपछि ग्राहकहरूले भारतबाट नेपालमा सजिलै भुक्तानी गर्न सक्ने सुविधा सुरु भएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
