
Apr 04 2025 | २०८१, चैत २२ गते
काठमाडौँ। राजनीतिमा मौन देखिएका अभिनेता आर्यन सिग्देल यसपटक भने चुनावी सभामा देखिएका छन् । चुनावी सभामा देखिएका मात्र होईनन्, स्वतन्त्र रुपमा उम्मेदवारी घोषणा गरेका साथीलाई चुनावमा सघाउने पनि बताएका छन् ।
मंगलबार बिहान काठमाडौंमा आयोजित एक चुनावी सभामा देखिएका अभिनेता सिग्देले काठमाडौं क्षेत्र नम्बर ४ बाट स्वतन्त्र रुपमा उम्मेदवारी दिएका आकर्षण पोखरेललाई चुनावमा सघाउने बताएका हुन् ।
पार्टीलाई समर्थन गर्दा नतिजा राम्रो नआएको बताउँदै उनले पोखरेलको सकारात्मकता देखेर नै उक्त राजनीतिक कार्यक्रममा पुगेको बताए ।
कार्यक्रममा अभिनेता सिग्देले पोखरेललाई समर्थन गर्दै चुनावी अभियानमा पनि साथ दिने बताए । स्वतन्त्र रुपमा उम्मेदवारी दिएका पोखरेलसँग १० वर्षदेखि चिनजान रहेको उनले बताए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij