Apr 30 2025 | २०८२, वैशाख १७ गते
Apr 30 2025 | २०८२, वैशाख १७ गते
ललितपुर । जिल्ला स्वास्थ्य कार्यालय ललितपुरले ५ देखि ११ बर्षसम्मका बालबालिकालाई कोभिड १९ विरुद्धको फाइजर खोप लगाउने भएको छ । आज आइतबार पत्रकार सम्मेलनमा स्वास्थ्य कार्यालयले असार ९ गतेदेखि १५ गतेसम्म पहिलो मात्रा र साउन २ गतेदेखि ८ गतेसम्म दोस्रो मात्राको खोप कार्यक्रम सञ्चालन गर्ने जनाएको हो ।
ललितपुर महानगरपालिका बाहेक अन्य पालिकामा एक-एक दिनको समय तोकेर कार्यक्रम अघि बढाइने स्वास्थ्य कार्यालय प्रमुख सतिश विस्टले जानकारी दिए ।
उनका अनुसार इटाभट्टामा काम गर्ने र विद्यालयको पहुँचमा नरहेका बालबालिकालाई पनि सम्बन्धित पालिकाबाट खोप दिइने छ । यो खोप सुन्तला रंग भएकोले चिन्न सजिलो हुने बताए ।
यो खोप ५-११ उमेर समुहका बालबालिकाबाहेक अन्य उमेर समुहकालाई दिन मिल्दैन । यो खोपको दुई मात्रा लगाए मात्रै पुग्नेछ । पहिलो मात्रा लगाएको २१ दिनपछि दोस्रो मात्रा लगाइने छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
