Apr 07 2025 | २०८१, चैत २५ गते
Apr 07 2025 | २०८१, चैत २५ गते
काठमाडौँ । शहरी विकास मन्त्री रामकुमारी झाँक्रीले काठमाडौँको दीर्घकालीन विकासका लागि मास्टर प्लान बनाउने काम भइरहेको बताइन् । बुधबार प्रतिनिधिसभाको बैठकमा उनले यसो बताएकी हुन् ।
शहरी विकास मन्त्री झाँक्रीले सिंहदरबार आसपासका घरहरूको मापदण्ड कस्तो रहने, बिदाको दिन विद्यार्थी कसरी सिंहदरबार घुम्न पाउने, कस्ता–कस्ता कार्यालय रहने भन्नेबारेमा मास्टर प्लान बनाइरहेको उनले बताइन् ।
यस्नै विगतदेखि चर्चामा रहेको काठमाडौंँको बाहिरी चक्रपथ सडक बारेमा कुनै प्रक्रिया अघि नबढेको मन्त्री झाँक्रील बताएकी छिन् । बुधबार प्रतिनिधिसभाको बैठकमा सांसदहरुले सोधेको प्रश्नको जवाफ दिँदै उनले जुन ठाउँमा बाहिरी चक्रपथ बन्ने भनिएको थियो त्यो ठाउँमा चक्रपथ बन्छ कि बन्दैन भन्ने कुरामा सन्देश रहेको बताइन् ।
उनले जहाँ बाहिरी चक्रपथ भनेर सर्भे गरिएको थियो, ती कयौँ ठाउँमा सरकारी भवन बनेको बताउँदै, उनले भनिन्, यदि मुआब्जा दिएर बनाउने हो भने राज्यले साढे ३ अर्ब मुआब्जा दिनुपर्ने अवस्था छ ।’
सबै ठाउँमा जग्गाको अत्यधिक कित्ताकाट भएको हुनाले त्यसको बारेमा पुनः अध्ययनको खाँचो देखिएको उनले बताईन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
