काठमाडौँ । आसन्न स्थानीय तहको निर्वाचनमा चार गाउँपालिका रहेका हिमाली जिल्ला मनाङमा उपाध्यक्षसहित ६१ पद निर्विरोध निर्वाचित भएको छ । 

नासों गाउँपालिकामा १८ जना, चामे गाउँपालिकामा १२ जना, मनाङ ङिस्याङ गाउँपालिकामा १३ जना र नार्पाभूमि गाउँपालिकामा १८ जना निर्विरोध भएका मनाङ जिल्ला निर्वाचन कार्यालयले जनाएको छ । 

जिल्ला निर्वाचन अधिकारी पुष्पराज शर्माका अनुसार पाँचवटा वडा रहेको चामे १ मा एमाले अध्यक्ष र २ मा कांग्रेस वडाध्यक्ष निर्विरोध भएका छन् । पालिकाभरि एमाले र कांग्रेसका पाँच–पाँचजना सदस्य निर्विरोध भएका छन् । यसमा वडा १ र २ को सिंगो टिम निर्विरोध भएको छ । 

यस्तै मनाङ ङिस्याङ गाउँपालिकामा स्वतन्त्रका दुई वडाध्यक्ष निर्विरोध भएका छन् । भने वडा ९ मा स्वतन्त्रको सिंगो टिम नै निर्विरोध भएको छ । स्वतन्त्रका सातजना सदस्य, एमालेको एक सदस्य र कांग्रेसका तीन सदस्य निर्विरोध भएका हुन् । वडा ३ मा एकजना दलित महिला सदस्य कांग्रेसबाहेक सबै स्वतन्त्र निर्विरोध भएका छन् । 

त्यस्तै, नार्पाभूमि गाउँपालिकामा एमालेबाट गाउँपालिका उपाध्यक्षमा एकजना निर्विरोध भएका छन् । वडा ४ र ५ मा वडाध्यक्ष स्वतन्त्र उम्मेदवार निर्विरोध भएका छन् । भने वडा नम्बरमा १ मा कांग्रेसका वडाध्यक्ष निर्विरोध भएका छन् । स्वतन्त्रका १० जना सदस्य, एमालेका एक र कांग्रेसका तीनजना वडा सदस्य निर्विरोध भएका छन् । 

यस्तै नासों गाउँपालिकामा कांग्रेसबाट वडा नं. ५, ६ र ७ मा वडाध्यक्ष निर्विरोध भएका छन् । भने माओवादी केन्द्रबाट वडा ४ मा वडाध्यक्ष निर्विरोध भएका छन् । यस्तै गाउँपालिकाभरि कांग्रेसका १२ सदस्य, एमाले र स्वतन्त्रका एक–एकजना सदस्य निर्विरोध भएका छन् ।  यस्तै नार्पाभूमिमा एमालेबाट निर्विरोध उपाध्यक्षसमेत छन् । 

चार गाउँपालिका रहेको मनाङमा २८ वटा मतदान केन्द्र रहेका छन् । भने मनाङमा मतदाताको संख्या ६ हजार चार सय ९६ रहेको छ । महिला मतदाता तीन हजार तीन सय ४८ र पुरुष मतदाता तीन हजार एक सय ४८ रहेको जनाइएको छ ।