Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडाैँ । नेकपा एमाले पोखरा महानगर कमिटीले स्थानीय तह निर्वाचन २०७९ प्रतिबद्धतापत्र सार्वजनिक गरेको छ। पोखरामा शनिबार उम्मेदवार परिचय तथा कार्यकर्ता भेलासमेत गरेर एमालेले पोखराको आगामी ५ वर्षको कार्ययोजना समेटिएको प्रतिबद्धतापत्र सार्वजनिक गरेको हो।
एमालेका वरिष्ठ उपाध्यक्ष ईश्वर पोख्रेलको उपस्थितिमा प्रतिबद्धतापत्र सार्वजनिक गरेका उनीहरुले मोनोरेल र मेट्रोरेललाई पुनः निरन्तरता दिएका छन् । फ्लाई ओभर, सुरुङ, ओभरहेड ब्रिज निर्माणलगायत योजना पनि अघिल्लो घोषणापत्रकै दोहोरिएका छन् ।
पोखरा विकास प्राधिकरणमार्फत पर्यटन, शिक्षा, स्वास्थ्य र खेलकुदको प्रमुख केन्द्रका रूपमा विकास गर्ने योजनालाई समावेश गरिएको छ । पुरानै घोषणापत्रमा समेत प्राधिकरणको अवधारणा समावेश भए काम भने सुरु भएको थिएन । एमालेका मानबहादुर जीसीले मेयर र मञ्जुदेवी गुरूङले पोखराको उपमेयर जितेका थिए ।
मेयरका प्रत्यासी थापाले आफू निर्वाचित भएपछि पाउने सेवासुविधा गरिबको सेवा र विकासका काममा लगाउने प्रतिबद्धता व्यक्त गर्दै यो चुनाव नै आफ्नो अन्तिम हुने र अब कुनै चुनाव नलड्ने घोषणा गरे ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
