Logo

Apr 04 2025 | २०८१, चैत २२ गते

Apr 04 2025 | २०८१, चैत २२ गते

कलाकारको नयाँ वर्ष यसरी हुँदैछ कमाल

कलाकारको नयाँ वर्ष यसरी हुँदैछ कमाल

  • आज विक्रम सम्बत् २०७९ को पहिलो दिन, अर्थात् वैशाख १ गते । यस दिनलाई नेपालीले आफ्नो मौलिक परम्परा अनुरुपको नयाँ वर्षको पहिलो दिनको रुपमा मनाउँदै आएका छन् ।

    नेपाली चलचित्र क्षेत्रमा काम गरिरहेका कलाकारहरुकाे नयाँ वर्ष कस्तो रह्यो? पुराना दिन कसरी सम्झनु हुन्छ ? र आगामी योजना केछ ? भन्ने विषयमा अनलाइन पत्रिकाले गरेको कुराकानीको सम्पादित अंशः 

    झरना थापाः 
    नयाँ वर्षको अवसरमा सम्पूर्ण नेपाली दाजुभाई तथा दिदीबहिनीलाई हार्दिक शुभकामना व्यक्त गर्न चाहान्छु । आजबाट मेरो चलचित्र ए मेरो हजुर–४ पनि देशभरका हलहरुमा लागेको छ ।

    बिहानैदेखि लागेको सो चलचित्रमा उल्लेख्य रुपमा दर्शक तथा स्रोताको साथ समर्थन पाएकी छु । यसको लागि निकै आभारी छु । 

    चलचित्रमा कसैसँग प्रतिष्पर्धा गर्नुभन्दा पनि आफ्नो उत्पादन दर्शकसामु पस्कने हो । नेपाली भूमीमा नेपाली चलचित्र लगाउन पनि गाह्रो अवस्था सिर्जना हुँदा दुःख पनि लाग्छ, तर मलाई आशा छ मेरा प्यारा दर्शकहरुले मलाई सधै साथ दिनुहुनेछ । 

    भुवन केसीः 
    सर्वप्रथम त सबैलाई नयाँ वर्षको सुभकामना । आजबाट चलचित्र ए मेरो हजुर–४ हलमा लागेको छ । सबै दर्शकलाई सो चलचित्र हेरेर नयाँ वर्ष मनाउन अनुरोध पनि गर्दछु ।

    अघिल्ला केही वर्षमा कोरोनाका कारणले गर्दा चलचित्र क्षेत्रमा ठूलो असर परेको छ । यसवर्ष नयाँ उमङ्ग र नयाँ खुसीका साथ नयाँ कामहरु गर्न पाइने अवस्था सिर्जना हुन्छ भन्ने आशा राखेको छु । 

    मैले पनि केही नयाँ चलचित्र बनाउनको लागि तयारी गरेको छु । अब छिट्टै नयाँ काम नयाँपनका साथ बजारमा आउनेछ । 

    दिपकराज गिरीः 
    नयाँ वर्षको सबै नेपाली दाजुभाई तथा दिदीबहिनीलाई शुभकामना दिन चाहान्छु । बिहानै पूजा गरेँ । अबको समय परिवार र आफन्तसँग बिताउने योजना बनाएको छु । 

    नयाँ कामहरु केही गर्नको लागि स्क्रिप्ट तयार गर्दै छु । सधैका वर्ष जस्तै यसवर्ष पनि नेपाली दर्शकले नेपाली तलचित्रलाई माया गर्नुहुनेछ भन्ने आशा लिएको छु । 

    दिपाश्री निरौँलाः 
    आज एकदमै खुसी छु । दर्शक स्रोताको मायाले गर्दा मैले राष्ट्रपति ज्यूबाट आजै पुरस्कार ग्रहण गर्ने मौका मिल्यो नयाँ वर्ष साच्चिकै नयाँ खुसीको सुरुवात रह्यो । 

    मेरा प्यारा दर्शकहरुलाई धेरै मायाका साथ नयाँ वर्षको शुभकामना पनि । विगतका दिनमा जस्तै सधै माया पाउँछु भन्ने कुरामा विश्वस्त छु । 

    आजको दिन घरमा सत्यनारायणकाे पूजा छ । आज दिपकराज गिरी जीको जन्मदिन पनि हो । उहाँको जन्मदिन मनाउने कार्यक्रम छ त्यहाँ जान्छु पूजा सकेर । 

    नयाँ कामहरु त हाम्रो छक्का पञ्जाकै नयाँ सिरिजको लागि तयारी भइरहेको छ । यसबाहेक अन्य कामहरु पनि छन् जसलाई निरन्तरता दिनु छ । 

    मोहन निरौँलाः

    नववर्ष सबैको लागि शुभ रहोस् । मुलुकभरी शान्ति होस् भन्ने कामनासहित बिहान ध्यान गरेँ । यो नयाँ वर्षमा चलचित्र क्षेत्र चलायमान होस् भन्ने कामना गरेको छु । 

    विदेशी चलचित्रसँग नेपाली चलचित्रले प्रतिष्पर्धा गर्नुपरेकोले नेपाली चलचित्रको गति अलिक सुस्त भएको छ । विदेशी चलचित्रले नेपाली चलचित्रलाई असर गर्नुका साथै नेपाली संकृतिमाथि अतिक्रमण पनि गरेको छ । त्यसकारण राज्यले विदेशी चलचित्र ठ्याक्कै बन्द गर्ने भनेको त होइन । तर उनीहरुलाई कोटा प्रणाली लागु गर्न नेपाली चलचित्रलाई प्राथमिकताका साथ राख्नुपर्छ भन्नेमा मेरो विशेष अनुरोध छ । 

    सरकारको अस्पष्ट नीतिका कारण पनि चलचित्र क्षेत्रमा लगानी गर्नेहरु हतोत्साहित हुने अवस्था छ । यसको लागि राज्यले स्पष्ट नीति लिनु सरकारलाई अनुरोध गर्न चाहान्छु । 

    बुद्धि तामाङ्ः नयाँ वर्षको सबैमा शुभकामना । आजको दिनमा नयाँ खुसी बाट्ने योजना छ । 

    कोरोना महामारीका कारण धेरै कामहरु बाँकी रहेका छन् । जसलाई यसवर्ष पूरा गर्ने सोँचमा छु । केही नयाँ कामहरु पनि छन् ती पनि गर्ने योजना छ । भोलीदेखि चलचित्र दुई नम्बरिको सुटिङ्ग छ । त्यसको लागि पनि केही तयारी गर्दै छु । 

    फेसबुक प्रतिक्रिया

    थप समाचार

    पढ्नै पर्ने पत्रिका

    © 2025 All right reserved to onlinepatrika.com | Site By : Sobij

    © 2025 All right reserved to onlinepatrika.com | Site By : Sobij