
Apr 06 2025 | २०८१, चैत २४ गते
काठमाडौं । नेपालमा ६५० एमजीको सिटामोल उत्पादन गर्नेे तयारी भएको छ । बिहीबार स्वास्थ्य मन्त्रालयमा बस्ने औषधि सल्लाहकार समितिको ५३ औँ बैठकमा सिटामोल उत्पादनको बिषयमा छलफल हुने भएको छ ।
स्वास्थ्य सचिवको अध्यक्षतामा रहने समिति बैठकको विभिन्न ६ एजेण्डामध्ये पहिलोमा सिटामोल ६५० मिलिग्राम (एमजी) मा दर्ता गर्ने उल्लेख छ । ५०० एमजीको सिटामोलले केही बिरामीमा काम नगरेको गुनासो आएको वरिष्ठ चिकित्सक डा. ऋषिकुमार काफ्ले बताउँछन् ।
‘शरीरको वजन बढ्दै जाँदा वा रोगको आधारमा हाल प्रयोग भइरहेका सिटामोलको डोज नपुगेको छ,’ डा. काफ्लेले भने, शरीरलाई ६५० एमजी बढी प्रभावकारी हुने देखिन्छ ।’वीर अस्पतालका निर्देशक डा. भुपेन्द्र बस्नेत पनि कोभिड–१९ का बिरामीमा सिटामोलले काम नगर्दा ठूलो समस्या आएको बताउँछन् । त्यसैगरी, बिहीबार बस्ने औषधि सल्लाहकार समितिको बैठकमा ५ देखि ११ वर्ष उमेर समूहका बालबालिकालाई कोभिडविरुद्ध दिइने फाइजर बायोन्टेकको नयाँ खोपलाई आपतकालीन अनुमति दिनेबारेमा समेत छलफल हुनेछ ।
पशुपन्छी औषधि व्यवसायी तालिम सञ्चालन सम्बन्धी कार्यविधि २०७८ स्वीकृत गरी औषधि व्यवस्था विभागलाई परामर्श दिने, औषधि बिक्री वितरण संहिता २०७८ स्वीकृत गरी लागू गर्न विभागलाई परामर्श दिने, औषधिको स्तर निर्धारण गर्ने लगायत विषय एजेण्डामा छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij