Apr 10 2025 | २०८१, चैत २८ गते
Apr 10 2025 | २०८१, चैत २८ गते
काठमाडौँ । अभिनेत्री करिश्मा मानन्धर नेकपा एमालेमा प्रवेश गरेकी छन् ।
एमाले केन्द्रीय कार्यालय, काठमाडौंमा आज आयोजित ‘पार्टी प्रवेश कार्यक्रम’मा उनलाई एमाले अध्यक्ष केपी शर्मा ओलीले पार्टीमा प्रवेश गराएका हुन् ।
अभिनेत्री मानन्धरले एमाले अध्यक्ष केपी शर्मा ओलीको व्यक्तित्व र कार्यशैली, एमालेको नीति र देशभर देखिएको जनलहरका कारण एमाले रोजेकी बताइन् । उनले आजबाट एमालेमा रहेर राजनीतिमा अगाडि बढ्ने अठोट गरेकी पनि बताइन् ।
अभिनय क्षेत्रमा झण्डै तीन दशक काम गरेकी अभिनेत्री मानन्धरले डा.बाबुराम भट्टराई नेतृत्वको नयाँ शक्ति पार्टीबाट राजनीति सुरु गरेकी थिइन् । डा.भट्टराईले जसपासँग एकीकरण गरेपछि उनी तटस्थ बसेकी थिइन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
