Apr 22 2025 | २०८२, वैशाख ९ गते
Apr 22 2025 | २०८२, वैशाख ९ गते
काठमाडाैँ । नेपाल ओमानमा जारी चारदेशीय टी–२० सिरिजको अन्तिम खेलमा टेस्ट टोली आयरल्यान्डसँग पराजित भएको छ । अल अमरेत क्रिकेट मैदानमा सोमबार भएको खेलमा नेपाल आयरल्यान्डसँग १६ रनले पराजित भएको हो ।
आयरल्यान्डले दिएको एक सय २८ रनको विजय लक्ष्य पछ्याएको नेपालले २० ओभरमा नौ विकेटको क्षतिमा एक सय ११ रनमा समेटिएको थियो । नेपालका लागि दिपेन्द्र सिंह ऐरीले सर्वाधिक २८ रन बनाउनुभयो ।
नेपाललाई अन्तिम १२ बलमा २४ रन जितका लागि चाहिएको थियो । आयरल्यान्डका सिमी सिंहले इनिङ्सको १८औँ ओभरमा कुशल मल्ललाई तेस्रो र कमल सिंह ऐरीलाई चौथोँ बलमा क्याच गराए । कुशल र कमल लगातार बलमा आउट भएपछि नेपालले आयरल्यान्डमाथि टी–२० खेलमा ऐतिहासिक जित हात पार्ने सम्भावना पनि सकियो ।
यस हारसँगै नेपाल तीन खेलमा दुई अंक जोड्दै अन्तिममा रह्यो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
