बिर्तामोडको एक होटलमा महिलाहरूले खाजा खाइरहेका बेला भिडियो खिचेर युट्युब र टिकटकमा अपलोड गरेर चरित्र हत्या गरेको अभियोगमा दुई युट्युबर र दुई टिकटकरलाई प्रहरीले पक्राउ गरेको छ ।

काठमाडौं । झापामा दुई युट्युबर र दुई टिकटकरलाई प्रहरीले पक्राउ गरेको छ । बिर्तामोडको एक होटलमा महिलाहरूले खाजा खाइरहेका बेला भिडियो खिचेर युट्युब र टिकटकमा अपलोड गरेर चरित्र हत्या गरेको अभियोगमा पक्राउ गरिएको हो ।

पक्राउ पर्नेमा खगेन्द्र घिमिरे, हेमराज भट्टराई, सुवास कार्की र अर्का एकजना रहेका छन् । केही युट्युबर भने फरार रहेकोले खोजी कार्य भइरहेको झापाका प्रमुख डिएसपी सन्तोष आचार्यले बताए । पीडितले ‘हाम्रो जीवन बर्बाद पारिदिएको भन्दै प्रहरीमा उजुरी दिएको थियो ।