बेपत्ता ७ जना किशोरी भारतको सीतामणिमा फेला, परिवारलाई जिम्मा लगाउने तयारी

काठमाडौं । घाँस काट्न जाँदा बेपत्ता भएका महोत्तरीका ७ जना किशोरी भारतको सीतामणिमा फेला परेका छन् । बेपत्ता ७ जना किशोरीहरु भारतको सीतामणिमा भेटिएको र परिवारलाई जिम्मा लगाउने तयारी भइरहेको जिल्ला प्रहरी कार्यालय महोत्तरीले जनाएको छ । हिजो (मंगलवार) दिउँसो घाँस गएका महोत्तरी भंगहा नगरपालिका वडा नम्वर ८ का एकै टोलका ती किशोरीहरु बेपत्ता भएका थिए । १८ वर्षीया अस्मिता पासवान, नगिना पासवान, १५ वर्षीया रिया पासवान, अर्चना पासवान, १३ वर्षीया ज्योति पासवान, १० वर्षीया रञ्जना पासवान, सीमा पासवान भारतको सीतामणिबाट सम्पर्कमा आएका जिल्ला प्रहरी कार्यालय महोत्तरीले जनाएको छ । उनीहरु मंगलवार दिउँसो करिब २ बजेतिर घरबाट निस्किएका थिए । रातिसम्म घर नफर्किएपछि उनीहरुका परिवारले प्रहरीमा समेत खबर गरेका थिए । ‘उनीहरु सम्पर्कमा आइसकेका छन् । परिवारलाई जिम्मा लगाउने तयारी भइरहेको छ ।’ जिल्ला प्रहरी कार्यालयका प्रहरी निरीक्षक रजोस घिमिरेले बताए । घटना के कसरी भयो भन्ने विषयमा थप अनुसन्धान भइरहेको उनले बताए ।

बेपत्ता ७ जना किशोरी भारतको सीतामणिमा फेला, परिवारलाई जिम्मा लगाउने तयारी

बेपत्ता ७ जना किशोरी भारतको सीतामणिमा फेला, परिवारलाई जिम्मा लगाउने तयारी

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय