काठमाडौं । अमेरिकाको नेसनल फुटबल लिग (एनएफएल) का पूर्व खेलाडी भिन्सेन्ट ज्याक्सन मृत भेटिएका छन् । सान डिएगो चार्जर्स र ताम्पा बेका पूर्व वाइड रिसिभर फ्लोरिडाको होटेल कम्प्लेक्समा मृत भेटिएका हुन् ।
३८ वर्षीय ज्याक्सनको मृत्युको बारे अनुसन्धान भईरहेको हिल्सब्रो काउन्टीका प्रहरीले जनाएको छ । ज्याक्सनले २०१८ मा सन्यास घोषणा गरेका थिए । ज्याक्सन गत फेब्रुअरी १० बाट हराएका थिए । त्यसपछि उनका परिवारले प्रहरीलाई खबर गरेका थिए ।
