May 19 2025 | २०८२, जेठ ५ गते
May 19 2025 | २०८२, जेठ ५ गते
काठमाडौं । ललितपुर चापागाँउमा एक टहरामा आगलागी हुँदा एक बृद्धको मृत्यु भएको छ । गोदावरी नगरपालिका-११ बुलुपार्कनजिक टहरामा बस्दै आएका ६५ वर्षीय कान्छा महर्जनको बिहीबार राति आगलागीपछि आगोले महर्जनको जलेर मृत्यु भएको महानगरिय प्रहरी बृत्त चापागाँउका डिएसपिकृष्णकुमार चन्दले जानकारी दिएका छन् ।
उनका अनुसार राती ११ बजे आगलागी भएको देखेपछि स्थानीयले आगो निभाएका थिए । प्रहरी बृत्तबाट पुगेको टोलीले जलेको टहराबाट शव निकालेर पोष्ट मार्टमका लागि पाटन अस्पताल पठाएको छ ।
बृद्ध महर्जन एक्लै टहरामा बस्दै आएका थिए । आफ्नै जस्ताको टहरोमा आगलागी हुँदा सोही आगोले जलेर उनको मृत्यु भएको डिएसपि चन्दको भनाई छ ।
चुरोटको ठूटोबाट आगलागी भएको हुनसक्ने शंका रहेको डिएसपि चन्द बताउछन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
