Apr 30 2025 | २०८२, वैशाख १७ गते
Apr 30 2025 | २०८२, वैशाख १७ गते
काठमाडौँ । काठमाडौँको बसुन्धरामा भ्यानको ठक्करबाट मोटरसाइकल चालकको मृत्यु भएको छ । मृत्यु हुनेमा सङ्खुवासभा मकालु गाउँपालिका–१ का दावा दोर्जे शेर्पा रहेका छन् ।
गए राति काठमाडौँ महानगरपालिका–३ तिलिङ्गाटारमा बागमती प्रदेश ०१-०२७ च ६७४७ नम्बरको भ्यानले प्रदेश ३-०२-००६ प ६४०५ नम्बरको मोटरसाइकललाई ठक्कर दिएको थियो ।
काठमाडौँ उपत्यका ट्राफिक कार्यालयले गम्भीर घाइते शेर्पाको उपचारका क्रममा ग्रिनसिटी अस्पताल वसुन्धरामा मृत्यु भएको जनाएको छ । मोटरसाइकलको पछाडि बस्ने १९ वर्षीय डोल्मा शेर्पा घाइते भएकी छन् । उनको ग्रिनसिटी अस्पतालमा उपचार जनाइएको छ । भ्यानका चालकलाई प्रहरीले नियन्त्रणमा लिएको छ ।
बारा घर भई काठमाडौँको माछापोखरी बस्ने २५ वर्षीय जितेन्द्र माझी भ्यानका चालकको साथमा कागजपत्र नभएको र मादक पदार्थ सेवन गरी सवारी साधन चलाएको पाइएको प्रहरीले जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
