Jun 17 2025 | २०८२, असार ३ गते
Jun 17 2025 | २०८२, असार ३ गते
काठमाडौँ । सर्लाहीको बागमती नगरपालिका -१ मिलन चोकस्थित सगुन सहकारी संस्थाको सेवा केन्द्रमा लुटपाट गर्ने र कर्मचारी साजन कार्कीमाथि गोली प्रहार गर्ने चार जनालाई प्रहरीले पक्राउ गरेको छ ।
सो चार जनालाई प्रदेश प्रहरी कार्यालय जनकपुरको इन्सपेक्टर उमाशंकर प्रसाद साहको नेतृत्व टोलीले पक्राउ गरेको हो । पक्राउ पर्नेमध्ये तीन जना भारतीय नागरिक रहेका छन् ।
 (1).gif)
पक्राउ पर्नेमा भारत विहार राज्यको शिवहर जिल्लामा पर्ने छप्रा ग्राम पञ्चायतका १९ वर्षीय आलोक सिंह, विहार राज्यको बैशाली जिल्लामा पर्ने सुलतानपुर ग्राम पञ्चायतका १९ वर्षीय शौरभ कुमार यादव, बिहार राज्यकै मोतिहारी जिल्लामा पर्ने हराज ग्राम पञ्चायतका १९ वर्षीय गुलसन कुमार सिंह र सर्लाहीकै धनकौल गाउँपालिका १ का ३२ वर्षीय डिजे भन्ने धिरेन्द्र सहनी रहेका छन् ।
गम्भिर घाइते भएका कार्कीको उपचार जिल्लामा सम्भव नभएपछि काठमाडौं लगिएको छ । सिसिटिभीको फुटेज, स्थानीयले बताएको हुलाकी तथा अन्य सुराकको आधारमा उनीहरु पक्राउ परेको एक प्रहरी अधिकारीले जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
