May 20 2025 | २०८२, जेठ ६ गते
May 20 2025 | २०८२, जेठ ६ गते
काठमाडौँ । चितवनको माडी नगरपालिकामा एमाले र राष्ट्रिय प्रजातन्त्र पार्टी (राप्रपा) बीच चुनावी तालमेल गर्ने सहमति भएपछि एमालेका तर्फबाट उपमेयरमा उम्मेदवारी दर्ता गराएका रेशमलाल आचार्यले उम्मेदवारी फिर्ता लिएका छन् ।
दुवै पार्टीले माडीमा एक कार्यक्रमको आयोजना गरी तालमेलको सहमति अनुसार आचार्यले उम्मेदवारी फिर्ता लिएका हुन् ।
१२ वैशाखमा उम्मेदवारी दर्ताको दिन दुई पार्टी बीच अन्तिम समयमा तालमेल भएकोले आचार्यले एमालेका तर्फबाट उपमेयरमा उम्मेदवारी दिएका थिए ।
 (1).gif)
उम्मेदवारी फिर्ता कार्यक्रममा बोल्दै उपमेयरका उम्मेदवार आचार्यले पार्टीको एक असल कार्यकर्ता भएको नाताले तालमेलको भावना अनुसार उम्मेदवारी फिर्ता लिएर पार्टीलाई सहयोग गरेको बताए ।
उनले उम्मेदवारी फिर्ता लिएर गठवन्धनका उम्मेदवारलाई जिताउन लागि पर्ने बताए । राप्रपाका तर्फबाट उपमेयरमा मदन पौडेलले उम्मेदवारी दिएका छन् ।
सो कार्यक्रममा बोल्दै उपमेयरका उम्मेदवार पौडेलले आफू मेयरको आकांक्षी भए पनि पार्टीले निर्णय गरेकोले उपमेयरमा उम्मेदवारी दिएको बताए । पौडेल यसअघिको स्थानीय तहको निर्वाचनमा मेयरको उम्मेदवार बनेर पराजित भएका थिए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
