May 19 2025 | २०८२, जेठ ५ गते
May 19 2025 | २०८२, जेठ ५ गते
चितवन । नेकपा माओवादी केन्द्रका अध्यक्ष पुष्पकमल दाहाल प्रचण्डले भरतपुर महानगरले आफ्नो कार्यकालभरी नै विकासका दृष्टिले महत्वपूर्ण आयोजनाहरु अगाडि ल्याएको बताएका छन् ।
शुक्रबार भरतपुर महानगरपालिकाको प्रकाशकीय भवनको शिलान्याश गर्दै प्रचण्डले महानगरले आफ्नो कार्यकालभरी नै विकासका दृष्टिले महत्वपूर्ण आयोजनाहरु अगाडि ल्याएको बताएका हुन् । उनले भरतपुर महानगरपालिकाले विकासका दृष्टिले सिंगो देशलाई नै सन्देश दिएको दावी गरेका छन् ।
प्रचण्डले देशभर नै विकासको गतिमा भरतपुर महानगरपालिका तीव्र गतिमा गइरहेको छ भन्ने मान्यता स्थापित भएको बताउँदै भरतपुर महानगरले आफ्नो कार्यकालभरी नै विकासका दृष्टिले धेरै महत्वपूर्ण आयोजनाहरु अगाडि ल्याएको बताए ।
उनले भरतपुर महानगरपालिकाको देशभरी नै एउटा पहिचान बनेको र देशको मध्य भागमा रहेको महानगरले सिंगो देशलाई सन्देश दिइरहेको बताए । उनले भरतपुर महानगरपालिकाको देशभरी नै एउटा पहिचान बनेको बताउँदै भतरपुरको विकास मोडेल देश र देशबाहिर पनि चर्चित रहेको बताए ।
भरतपुर महानगरपालिकाका जनप्रतिनिधिहरु दृढ इच्छाशक्ति र सकरात्मक सोचका कारणले पनि अहिले भरतपुर महानगरको विकास प्रक्रियाले तिब्रता पाएको उनको भनाइ थियो ।
चितवन बन्नुपर्छ, भरतपुर बन्नुपर्छ भनेर नै आयोजनाहरु अगाडि बढेका बताउँदै जनप्रतिनिधिको हैसियतले आफूले पनि भूमिका खेलेको प्रचण्डको भनाइ छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
