May 19 2025 | २०८२, जेठ ५ गते
May 19 2025 | २०८२, जेठ ५ गते
काठमाडौँ । प्रमुख प्रतिपक्षी दल नेकपा एमालेका उपाध्यक्ष विष्णु पौडेल चीन भ्रमणमा लागेका छन् । चीनको कुन्मिङ सहरमा हुन लागेको ‘इकोनोमिक कोअपरेशन एन्ड कल्चरल एक्सचेन्ज’ कार्यक्रममा सहभागी हुन पौडेल अन्य नेताहरुसहित कार्गो विभानबाट चीनतर्फ लागेका हुन् ।
पौडेलसँगै एमाले नेताहरु काशीनाथ अधिकारी, मीनासिंह रखाल र पुष्प कँडेलसमेत कुन्मिङतिर लागेका छन् ।
त्यस कार्यक्रममा चिनियाँ कम्युनिष्ट पार्टीका विदेश विभाग प्रमुख सोङ ताओ पनि सहभागी हुनेछन् । पौडेलले चीनमा रहँदा त्यहाँका शीर्ष नेताहरुसँग भेटवार्ता गर्ने कार्यक्रम छ ।
माओवादी केन्द्रका अध्यक्ष पुष्पकमल दाहालले एमालेसँग गठबन्धन हुन सक्ने र त्यसका लागि ढोका खुला रहेको बताइसकेका छन् ।
पछिल्लो समय एमाले र माओवादीका दोस्रो तहका नेताहरु संवादमा रहेको समाचार आएको छ । माओवादी नेता वर्षमान पुनले केही दिनअघि बुटवलमा त्यसको संकेत गरिसकेका छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
