May 18 2025 | २०८२, जेठ ४ गते
May 18 2025 | २०८२, जेठ ४ गते
काठमाडौं/ सत्तासीन दल नेपाली कांग्रेसले आज पत्रकार सम्मेलन गर्ने भएको छ । आइतबार संसदबाट अमेरिकी आर्थिक सहयोग एमसीसी पास भए पछि कांग्रेसले आज सोमबार पत्रकार सम्मेलन गर्न लागेको हो ।
कांग्रेस प्रवक्ता डा. प्रकाशशरण महतले समसामयिक राजनीतिक विषयसँगै एमसीसी पास भएपछि अवस्थाबारे जानकारी गराउने केन्द्रीय कार्यालय स्रोतले जानकारी दियो । पत्रकार सम्मेलन आज दिउँसो तीन बजे हुन लागेको हो । प्रवक्ता महतले यस अघिदेखि निरन्तर एमसीसी नेपालको हितमा रहेको भन्दै सत्तारुढ दलबीच सहमति जुटाएर एमसीसी पास गर्ने बताउँदै आएका थिए ।
आइतबार विवाद उठेका विषयमा सरकारल १२ बुँदामा व्याख्यात्मक घोषणा गरेपछि प्रतिनिधिसभाबाट ५५ अर्ब रुपैयाँको आर्थिक अनुदानसम्बन्धि सम्झौता बहुमतले अनुमोदन भएको थियो । अन्य दल एमसीसीको विपक्षमा रहे पनि कांग्रेसले पक्षमा पार्टीबाट सर्वसम्मत निर्णय गरेर सत्तारुढ अरु पार्टीलाई पनि मनाएको थियो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
