एमसीसीमा समाजवादीले बिपक्षमा मतदान गर्छ- प्रवक्ता खतिवडा

काठमाडौँ/ नेकपा एकीकृत समाजवादीले एमसीसीको विपक्षमा मतदान गर्ने प्रवक्ता जगनाथ खतिवडाले बताएका छन् । ‘एमसीसीको विपक्षमा मतदान गर्छौ । एमसीसी पारित हुन नदिने पहल गर्छौ’, खतिवडाले भने । हिजो सोमबार बोलाइएको सचिवालय बैठक भने स्थगित भएको छ । अर्को बैठक आज मंगलबार बस्ने जानकारी दिइएको छ । समय नपुगेकाले सचिवालय बैठक हिजो बस्न नसकेको खतिवडाले बताए । हिजो बैठक बस्न नसकेपनि एकीकृत समाजवादीका अध्यक्ष माधवकुमार नेपाल र सम्मानित नेता झलनाथ खनालबीच भने छलफल भएको छ छलफलमा नेता खनालले प्रतिनिधिसभामा अवरोध कायमै रहेका बेला एमसीसी टेबल गरेकैमा आपत्ति जनाए । तर अध्यक्ष नेपालले परिस्थिति नै त्यस्तो बनेको स्पष्टीकरण दिए । उनका अनुसार बालुवाटारमा भएको शीर्ष नेताहरुको छलफलमा प्रधानमन्त्री शेरबहादुर देउवाले ‘पास फेल के गर्ने तपाईंहरु आफ्नो निर्णय गर्नुस् । तर टेबल गर्न चाहिं दिनुस्’ भनेका थिए । माओवादी केन्द्रका अध्यक्ष प्रचण्ड र जनता समाजवादी पार्टीका अध्यक्ष उपेन्द्र यादवले सहमति दिएपछि आफूले पनि मानेको अध्यक्ष नेपालको प्रष्टोक्ति छ । तर संसदमा आएपछि प्रचण्डले बोली फेरेर प्रमुख सचेतक देव गुरुङलाई बोल्न लगाएको भन्दै उनले भनेका छन्, ‘मैले त त्यसो गर्न सकिनँ ।’ अध्यक्ष नेपाल नउठेपनि नेता खनालले भने उठेर एमसीसीविरुद्ध नाराबाजी नै गरेका थिए भने एकीकृत समाजवादीका केही सांसदले पनि विरोध गरेका थिए ।

एमसीसीमा समाजवादीले बिपक्षमा मतदान गर्छ- प्रवक्ता खतिवडा

एमसीसीमा समाजवादीले बिपक्षमा मतदान गर्छ- प्रवक्ता खतिवडा

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय