इल्चेविरुद्ध बार्सिलोनाको रोमाञ्चक जित

काठामाडाैँ । क्याटलान क्लब बार्सिलोनाले स्पेनिस ला लिगामा रोमाञ्चक जित निकालेको छ । बार्सिलोनाले इल्चेलाई ३–२ ले पराजित गरेको हो । पछिलाे पाँच खेलमा बार्सिलोनाको यो पहिलो जित हो ।

खेलको १६औँ मिनेटमा औसमाने डेम्वेलेको पासमा फेरान जुट्ग्लाले गोल गर्दै बार्सिलोनालाई सुरुवाती अग्रता दिलाए । १९औं मिनेटमा पाब्लो गाभिराले गोल गर्दै बार्सिलोनालाई पहिलो हाफमा २–० को अग्रता दिलाए ।

दोस्रो हाफमा इल्चेले दुई मिनेटको अन्तरमा दुई गोल गर्दै खेललाई २–२ गोलको बराबरीमा ल्याए । ६२औँ मिनेटमा टेटे मोरेन्टेको गोलबाट खेलमा फर्किएको इल्चेका लागि ६३औँ मिनेटमा पेरे मिल्लाले बराबरी गोल फर्काएका थिए । खेल सकिन ५ मिनेट बाँकी रहँदा निको गोन्जालेजले गोल गर्दै बार्सिलोनालाई रोमाञ्चक जित दिलाए ।

यो जितसँगै बार्सिलोना १७ खेलबाट २७ अंक जोडेर सातौ स्थानमा रहेको छ । बार्सिलोना शीर्षस्थानको रियल म्याड्रिडसँग १५ अंकले पछि छ । पराजित इल्चे १५ अंक जोडेर १६औँ स्थानमा रहेको छ ।

इल्चेविरुद्ध बार्सिलोनाको रोमाञ्चक जित

इल्चेविरुद्ध बार्सिलोनाको रोमाञ्चक जित

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय