Apr 02 2025 | २०८१, चैत २० गते
Apr 02 2025 | २०८१, चैत २० गते
बलात्कारपछि हत्या गरिएको हुनसक्ने प्रहरीको अनुमान
काठमाडौं । पूर्वी मकवानपुरको वाग्मती गाउँपालिका–७ को लामिटारको तीन वर्षीया बालिकाको वीभत्स हत्या भएको छ । बलात्कारपछि हत्या गरिएको हुनसक्ने प्रहरीको अनुमान छ । शेरबहादुर पाख्रिनकी छोरी रुबिनाको हत्या भएको जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक इन्द्रबहादुर रानाले जानकारी दिए ।
हाल प्रवक्ता रानासहितको प्रहरी टोली घटनास्थलमा रहेको छ। भने प्रहरीले घटनामा संलग्न भएको आशङ्कामा दुई पुरुषलाई पक्राउ गरेको जनाएको छ । बालिका बुधबार दिउँसो ३ बजेदेखि हराइरहेकी थिइन् । उनलाई स्थानीय खोल्साको किनारमा रक्ताम्य अवस्थामा फेला पारिएको थियो । बालिकाको शव परीक्षणका लागि हेटौँडा अस्पतालमा राखिएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
