Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौँ । बलिउड अभिनेता विक्की कौशल र अभिनेत्री कट्रिना कैफको बिहेमा सुरक्षाको जिम्मा सलमान खानका बडिगार्डले लिएका छन् । मंगलबारबाट सुरु भएको विक्की र कट्रिनाको विवाह समारोह बिहीबारसम्म चल्नेछ ।
तीन दिनसम्म चल्ने विवाहका लागि विक्की, कट्रिनासँगै बलिउडकर्मी, उनीहरुका आफन्त, साथीभाइ राजस्थान पुगिसकेका छन् । विक्की र कट्रिना विवाहलाई भव्य तर गोप्य राख्ने तयारीमा छन् । त्यसैले पनि उनीहरुको विवाह हुने रिसोर्टमा उच्च सुरक्षा व्यवस्था गरिएको छ ।
भारतीय सञ्चारमाध्यमका अनुसार, कट्रिना–विक्कीको विवाहको सुरक्षाको जन्म नायक सलमान खानका बडिगार्ड शेराले लिएका छन् । शेरा एक सेक्युरिटी कम्पनी सञ्चालन गर्छन् । जसको नाम टाइगर सेक्युरिटी हो ।
यो जोडीको विवाहमा बलिउडका चर्चित व्यक्तिहरु समेत सहभागी हुँदैछन् । यसैले विवाह स्थलको सुरक्षाको लागि शेराको कम्पनीको साथै बरवाडा पुलिसले पनि सहयोग गर्दैछ ।
कट्रिना बलिउडमा प्रवेश गरेसँगै उनको नाम अभिनेता सलमान खानसँग जोडिएको थियो । सलमान र कट्रिना केही वर्ष प्रेम सम्बन्धमा थिए । यसपछि कट्रिनाको सलमानसँग ब्रेकअप भयो र उनी नायक रणवीर कपूरको प्रेममा रमाइन् । रणवीर र कट्रिनाको प्रेम सम्बन्ध करिब ६ वर्ष चलेको थियो । रणवीरसँग अलग भएपछि भने कट्रिना विक्कीसँग नजिकिएकी थिइन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
