Apr 04 2025 | २०८१, चैत २२ गते
Apr 04 2025 | २०८१, चैत २२ गते
कृष्ण दवाडी, कास्की । कास्कीको माछापुच्छे गाउँपालिका–६ भिँडाबारीमा प्रस्तावित एन्फा बहुउद्देश्यीय प्राविधिक केन्द्रको निर्माण प्रक्रिया अन्तिम चरणमा पुगेको छ ।
अखिल नेपाल फुटबल सङ्घ (एन्फा) द्वारा प्रस्तावित प्राविधिक केन्द्रमा फुटबल खेल सिक्ने÷सिकाउने तथा खेलाडी उत्पादन गरिनेछन् । विश्व फुटबलको सर्वोच्च निकाय अन्तरराष्ट्रिय फुटबल महासङ्घ९फिफा०को ‘टेक्निकल डेभलपमेन्ट’ कार्यक्रम अन्तर्गत दक्षिण एशियामै पहिलोपटक आधुनिक र सुविधासम्पन्न बहुउद्देश्यीय प्राविधिक केन्द्र निर्माण हुन लागेको एन्फा उपाध्यक्ष कृष्ण बहादुर थापाले जानकारी दिनुभयो ।
एन्फाले ‘ड्रिम प्रोजेक्ट’का रुपमा लिएको प्राविधिक केन्द्र निर्माणका लागि पहिलो चरणमा रु २० करोडबाट शुरुआत भइ चौथो चरणसम्म रु ८० करोड लगानी हुने जनाइएको छ । परियोजनाका लागि जग्गा प्राप्ति, आयोजनाको विस्तृत परियोजना प्रतिवेदन९डीपीआर० तथा ढाँचा सम्पन्न भएर बोलपत्र आह्वानको तयारी भइरहेको एन्फाले जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
