Apr 03 2025 | २०८१, चैत २१ गते
Apr 03 2025 | २०८१, चैत २१ गते
आफूहरु बसेको गाउँमा कच्ची माटाले बनेका घर कति बेला भत्किन्छ भन्ने डरले चिन्ता हुने गरेको डिएसपी मधु थापाले बताए ।
जाजरकोट । दिनरात जनताको जिउधनको सुरक्षामा सक्रिय रहनुपर्ने नेपाल प्रहरी आफैँ असुरक्षित भएको पाइएको छ । जिल्लाका १५ ठाउँमा रहेका प्रहरी चौकीहरु अहिले पनि भाडाको जीर्ण भवनमा बस्न बाध्य भएका हुन् । हिउँदयाममा चिसो र वर्षायाममा पानीका कारण सुखसँग आफूहरु बस्न नपाएको प्रहरीले बताएका छन् । बाथरुम, शौचालय र खानेपानीको समस्य पनि उस्तै रहेको प्रहरीको गुनासो छ ।
आफ्नै भवन भएको ठाउँमासमेत छाना चुहिँदा बस्न योग्य नभएको प्रहरीले पटकपटक गुनासो गरेपनि मागको सुनुवाई भएको छैन । चुहिने कच्ची भवनमा सास्तीकासाथ दैनिक प्रहरीहरु सेवामा जुटिरहेको छन् । जिल्लाको सदरमुकाम रहेको भेरी नगरपालिका–४ स्थित जिल्ला प्रहरी कार्यालयसँगै रहेको भवन जिर्ण हुँदा कतिखेर भत्किन्छ भनेर रातभर निन्द्रा नलाग्ने गरेको प्रहरी बताउँछन् ।
प्रहरीको सञ्चार सेट तथा नेपाल टेलिकमका सेवाले काम नगर्दा दैनिक कामकारवाहीमा समस्य भोग्नु परेको प्रहरीले बताएका छन् । आफूहरु बसेको गाउँमा कच्ची माटाले बनेका घर कति बेला भत्किन्छ भन्ने डरले चिन्ता हुने गरेको डिएसपी मधु थापाले बताए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
