Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौं । नेपाल प्रहरीको एक एआईजी पदमा वरिष्ठ डीआईजी विश्वराज पोखरेलको बढुवा भइसकेको छ । एआईजीको बढुवापछि अब रिक्त नौ डीआईजी पदमा बढुवाको तयारी भइरहेको छ । रिक्त नौ डीआईजी पदका लागि तीन समूहका एसएसपीहरूको दौडधुप चलेको छ ।
आईजीपी शैलेश थापा क्षेत्रीको ब्याचकै एसएसपीहरू डीआईजी बढुवा हुन सकेका छैनन् । आईजीपी पछिको धिरजप्रताप सिंह र उत्तमराज सुवेदीको ब्याचका एसएसपीहरू पनि बढुवाका दाबेदार हुन् । यो समूह पछिका एसएसपीहरू पनि डीआईजी बढुवाका लागि लागेका छन् ।
आईजीपी थापाको ब्याचबाट गणेशबहादुर ऐर, पुरुषोत्तम कँडेल, देवबहादुर बोहोरा, दिलीप चौधरी, राजेशलाल कर्ण, रामकपाल शाह, उमेश रञ्जितकार, प्रकाश अधिकारी, शेखर कोइराला, किशोर दाहाल र सौरभ राणा बढुवाका दाबेदार छन् ।
त्यसपछिको ब्याचबाट दिवेश लाहेनी, मुकुन्द आचार्य, सुशील यादव, पूजा सिंह, नरबहादर खत्री, मोहन आचार्य, नलप्रसाद उपाध्याय, बिक्रम चन्द, मसाउद आलम खालगायत डीआईजी बढुवाका दाबेदार हुन् । यो ब्याचभन्दा पछ्रिल्लो ब्याचबाट पनि डीआईजी बढुवाका लागि केही एसएसपीहरु लागेका छन् । कार्यक्षमताका आधारमा यो समूहबाट डीआईजी बढुवा हुनका लागि लाग्ने एसएसपीहरुमा टेकप्रसाद राई, सन्दीप भण्डारी र दीपक थापा छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
