Jun 28 2026 | २०८३, असार १४ गते
Jun 28 2026 | २०८३, असार १४ गते
काठमाडौँ । हाउजे बाइकको सोरुम काठमाडौंको चावहिलमा सञ्चालन हुने भएको छ। चिनियाँ मोटरसाइकल कम्पनी हाउजेको नेपालका लागि आधिकारिक वितरक कृष्ण इन्टरनेशनल ट्रेडिङ कन्सर्नले सोरुम सञ्चालनको तयारी गरेको हो।
यसअघि कमलपोखरी, टेकु र नयाँ बजारमा सोरुम सञ्चालन गरेको कम्पनीले शुक्रवारदेखि चावहिलमा पनि सोरुम सञ्चालनको तयारी गरेको हो। उपत्यकाबाहिर चितवन, हेटौडा र संखुवासभामा यसको सोरुम रहेको छ। सुजुकीसँगको सहकार्यमा उत्पादन भएकाले अन्तर्राष्ट्रिय बजारमा हाउजे बाइकको तुलना सुजुकीसँग हुने बताइएको छ । कम्पनीको एनके १५० बाइक नेपाली बाटोलाई सुहाउँदो रहेको कम्पनीको दाबी छ। रोड र अफरोड दुवैका लागि यो बाइक राम्रो रहेको कम्पनीले बताएको छ। यसको मूल्य ३ लाख ९५ हजार रुपैयाँ तोकिएको छ।
रेड, ब्ल्याक र ह्वाइट गरी तीन कलारमा बाइक उपलब्ध गराएको कम्पनीले टिआर १५० बाइक तथा भिएस १२५ स्कुटर पनि नेपाली बजारमा ल्याएको छ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
