Jun 28 2026 | २०८३, असार १४ गते
Jun 28 2026 | २०८३, असार १४ गते
काठमाडौँ । राष्ट्रिय स्वतन्त्र पार्टीका सांसद सोम शर्माले पेट्रोलियम पदार्थमा लगाइएको करका कारण जनताको क्रय शक्ति घटेको भन्दै कर समायोजन गर्न सरकारसँग माग गरेका छन् । उद्योग तथा वाणिज्य र श्रम तथा उपभोक्ता हित समितिको बैठकमा बोल्दै उनले पेट्रोलियम पदार्थको मूल्य वृद्धिले बजारमा महँगी बढाएको बताएका हुन् ।
सांसद शर्माले भने, ‘सरकारले पेट्रोलियम पदार्थमा धेरै कर लिइरहेको छ । यो कर अलिकति मात्र घटाए पनि मूल्य कम हुन्छ र जनताले राहत पाउँछन् ।’ उनले इन्धनको मूल्य बढ्दा सामानको दाम बढ्ने र त्यसले व्यापारमा मन्दी ल्याउने भन्दै यसमा समन्वय गर्न आग्रह गरे ।
बैठकमा उनले संसदीय समितिका निर्देशनहरू कार्यान्वयन नभएकोमा पनि असन्तुष्टि व्यक्त गरे । ‘हामीले धेरै बैठक बसेर निर्देशन दिन्छौँ, तर ती निर्देशनहरू कति पालना भए ?’ भन्दै उनले सचिव र कर्मचारीसँग त्यसको विवरण मागे ।
अब निर्देशन दिने मात्र नभई, ती निर्देशनहरू लागू हुने प्रणाली बसाल्नुपर्नेमा उनले जोड दिए ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
