Apr 23 2025 | २०८२, वैशाख १० गते
Apr 23 2025 | २०८२, वैशाख १० गते
काठमाडौं । सरकारले विभिन्न संवैधानिक निकायमा सिफारिस गरेका पदाधिकारीहरुले पद तथा गोपनियताको सपथ ग्रहण गरेका छन् ।
राष्ट्रपति भवन शीतल निवासमा एक कार्यक्रमकाबीच राष्ट्रपति विद्यादेवी भण्डारीको उपस्थितिमा प्रधानन्यायाधीश चोलेन्द्र शमशेर जबराले सपथ खुवाएका हुन् ।
त्यस्तै विभिन्न आयोगका सदस्यहरुलाई भने सम्बन्धित आयोगका अध्यक्षले सपथ ग्रहण गराएका हुन् । गत मंसिर ३० गते बसेको संवैधानिक परिषद बैठकले विभिन्न संवैधानिक निकाय र आयोगमा नियुक्तिका लागि ३८ जनाको नाम सिफारिस गरेको थियो ।
प्रतिनिधिसभा विघटन भएपछि अख्तियारदेखि मानवअधिकार आयोगसम्म नियुक्त भएका पदाधिकारीको सुनुवाइ भने हुन सकेको थिएन । सुनुवाइ नभएपछि निर्णय भएको ४५ दिनपछि स्वतः नियुक्त हुने व्यवस्थाअनुसार सरकारले संवैधानिक निकायमा नियुक्त भएकाहरुलाई शपथ खुवाइएको हो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
