Sep 01 2025 | २०८२, भदौ १६ गते
Sep 01 2025 | २०८२, भदौ १६ गते
काठमाडौं । काठमाडौं उपत्यका अपराध अनुसन्धान कार्यालयले ठूलो परिमाणमा विद्युतीय चुरोट ‘भेप’सहित तीन जनालाई पक्राउ गरेको छ । सो कार्यालयका प्रवक्ता प्रहरी उपरीक्षक काजीकुमार आचार्यका अनुसार, सोमबार साँझ काठमाडौंको चमतीबाट ३ हजार ८ सय भेपसहित उनीहरूलाई पक्राउ गरिएको हो ।
पक्राउ पर्नेहरूमा सिन्धुपाल्चोकको भोटेकोशी गाउँपालिका–१ घर भएका ४० वर्षीय निमा छिरिङ शेर्पा, मेलम्ची नगरपालिका–७ घर भएका ५२ वर्षीय रामबहादुर गुरुङ र सोलुखुम्बुको थुलुङ गाउँपालिका–४ का ४२ वर्षीय कृष्णबहादुर गुरुङ छन् । उनीहरू भरिया रहेको पाइएको प्रवक्ता आचार्यले बताए ।
 (1).gif)
पक्राउ परेकाहरूलाई भेपसहित राजश्व अनुसन्धान विभाग हरिहर भवन पठाउने तयारी भइरहेको छ । उनीहरूले रमेश श्रेष्ठको घरको भुइँ तलाको कोठामा उक्त भेप भण्डारण गरेर राखेका थिए ।
भन्सार छलेर उक्त भेप चीनबाट नेपाल भित्र्याइएको प्रहरीले बताएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
