
Apr 04 2025 | २०८१, चैत २२ गते
सरसफाइ कर्मचारी तलब नपाएको विरोधमा आन्दोलन
काठमाडौं । त्रिभुवन अन्तर्राष्ट्रिय विमानस्थलका सरसफाइ कर्मचारी तलब नपाएको विरोधमा आन्दोलनमा उत्रिएका छन् । कर्मचारी आन्दोलनमा उत्रिएपछि अहिले विमानस्थलको आन्तरिकतर्फ सरसफाइ रोकिएको छ ।
तलब माग गर्दै दश दिनदेखि आन्दोलनमा उत्रिएका सरसफाइ कर्मचारीहरूले आन्तरिकतर्फको कुनै पनि फोहोर नउठाएको त्रिभुवन अन्तर्राष्ट्रिय विमानस्थल कार्यालयले जनाएको छ । कर्मचारीले फोहर नउठाउँदा आन्तरिकतर्फको क्षेत्रमा निकै दुर्गन्ध फैलिएको छ ।
कर्मचारी कालो ब्यानर टाँगेर आन्दोलनमा छन् । फोहोरको गन्धले विमानस्थल वरपर बसिसक्नु छैन । सरसफाइ कर्मचारीहरूको तलबका लागि नेपाल नागरिक उड्डयन प्राधिकरण सञ्चालक समितिमा पत्राचार भए पनि समितिले निकासा नदिएका कारण उनीहरूको तलब रोकिएको हो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij