Apr 04 2025 | २०८१, चैत २२ गते
Apr 04 2025 | २०८१, चैत २२ गते
काठमाडौं । राजावादीहरुले चैत १५ गते प्रदर्शन गर्ने भएका छन् । नवराज सुवेदी संयोजकत्वको राजसंस्था पुनर्स्थापनाका लागि संयुक्त जनआन्दोलन समितिले प्रदर्शनको मिति घोषणा गरेको हो ।
समितिले सम्पूर्ण राजसंस्थावादी पार्टी, समूह तथा व्यक्तिलाई प्रदर्शनमा सहभागी हुन अपिल गरेको छ । सुवेदीले भनेका छन्, “देश बचाउने र बनाउने हो भने हामीसँग अब अर्को विकल्प छैन ।”
यता, चार दलको समाजवादी मोर्चाले यही चैत १५ गते काठमाडौंमा बृहत् जनसभाको घोषणा गरिसकेको छ ।
राष्ट्रिय प्रजातन्त्र पार्टी (राप्रपा), राप्रपा नेपाललगायत राजसंस्था पक्षधर समूहले पूर्वराजा ज्ञानेन्द्र शाहको स्वागतमा काठमाडौंमा प्रदर्शन गरेपछि मोर्चाले पनि गणतन्त्रको पक्षमा प्रदर्शनको घोषणा गरेको हो ।
यस्तै, राष्ट्र, राष्ट्रियता, धर्म, संस्कृति र नागरिक बचाउ अभियान, नेपालका संयोजक दुर्गा प्रसाईंले पनि चैत १५ गतेको आन्दोलनका लागि तयार रहन आफ्ना समर्थकलाई सामाजिक सञ्जालमार्फत आह्वान गरेका छन् । “अब निर्णायक समय आउँदै छ, तयार रहौं,” उनले फेसबुकमा लेखेका छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
