Apr 04 2025 | २०८१, चैत २२ गते
Apr 04 2025 | २०८१, चैत २२ गते
काठमाडौं । प्रधानमन्त्री कप क्रिकेटमा त्रिभुवन आर्मी क्लबले एपीएफ क्लबलाई ३ विकेटले पराजित गरेको छ । भैरहवास्थित एक्स्ट्रा टेक ओभलमा सोमबार भएको खेलमा १४२ रनको लक्ष्य आर्मीले ४२.५ ओभरमा ७ विकेटको क्षतिमा पूरा गरेको हो ।
आर्मीका लागि कुशल मल्ल ३१ रनमा अविजित रहँदा विवेक कुमार यादवले २६ रन बनाए । एपीएफका लागि कमल ऐरी, अमर रौतेला र रोहित पौडेलले २–२ तथा किशोर महतोले १ विकेट लिए । पहिले ब्याटिङ गरेको एपीएफले ४२.३ ओभरमा १४१ रन बनाएको थियो ।
एपीएफका लागि सन्दीप जोराले अर्धशतकीय पारी खेले । उनले ९१ ब्लमा ९ चौका प्रहार गर्दै ६५ रनको योगदान गरे ।
अमर रौतेला, किशोर महतो र भुवन कार्कीले ११–११ रन बनाए ।
आर्मीका लागि आकाश चन्दले ४ विकेट लिए । सोमपाल कामीले ३, साहब आमलले २ तथा बसिर अहमदले १ विकेट लिए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
