Apr 01 2025 | २०८१, चैत १९ गते
Apr 01 2025 | २०८१, चैत १९ गते
ललितपुर । ललितपुरमा संचालित एक सहकारी संस्थाका अध्यक्ष ऋण उठाउनका लागि नियमित रूपमा सदस्यहरूको घरदैलो धाउने गर्छन् । तर, पछिल्लो पटक जब उनी एक कर्जावालको घर पुगे, उनलाई नसोचेको हमला सामना गर्नुप¥यो ।
‘म लगायत हाम्रा प्रतिनिधि ऋण असुली गर्न गएका थियौं, तर कर्जावालले ढोका खोल्नुअघि नै ठूलो कुकुर छोडे । ज्यान जोगाउन भाग्नुप¥यो’ अध्यक्षले रिसाउँदै सुनाए ।
यो घटना कुनै एक सहकारीको मात्र होइन । कर्जा तिर्न आनाकानी गर्नेहरूको सूची लामो छ । उनीहरूले अपनाउने हतकण्डा झनझन चकित पार्ने खालका बन्दै गएका छन् ।
सहकारीका प्रतिनिधिहरू पैसा असुल गर्न जाँदा कतिपय कर्जावालहरू त ढोका खोल्नेबित्तिकै कुकुर छोड्छन् । यसरी कुकुरको आड लिएर पैसा तिर्न नचाहनेहरू झन् बेपत्ता हुन्छन् ।
एक प्रतिनिधिले सुनाए, ‘पैसा लिन गएका थियौं, तर ढोका खोल्नासाथ घरधनीले ‘चोर आयो’ भनेर चिच्याउन थाले । वरिपरिका छिमेकी जम्मा भए, हामीलाई नै घेरा हालेर अपमान गरे ।’ यस्ता घटनाले सहकारी सञ्चालकहरूलाई ठूलो तनाव दिएको छ ।
#सहकारी
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
